Usa ka makalingaw apan delikado nga insidente ang nahitabo sa Maralbexi County diin usa ka misis ang nasab-it sa likod sa nagdagan nga pickup truck sa iyang bana aron masakpan matud pa kini nga adunay kauban nga lain nga babaye.
Natingala ang mga motorista sa maong talan-awon ug dayon ilang gipahibalo ang traffic police mahitungod sa babaye nga nagkupot sa likod sa sakyanan samtang nagpadayon kini sa dagan.
Sa dihang napara sa kapulisan ang pickup, nasuta nga ang babaye mao diay ang asawa sa drayber ug nagduda kini nga nagbinuang ang iyang bana.
Tungod sa iyang kasina ug pagduda, mihimo siya og peligroso nga plano pinaagi sa pagsunod sa sakyanan ug pagkupot sa likod niini aron madakpan ang iyang bana sa akto.
Maayo na lamang kay wala siya maangol bisan pa sa risgo nga giatubang, apan giingon sa pulisya nga posible kining nahulog ug naaksidente kung paspas ang dagan o lubak ang dalan.
Sa katapusan, gipamultahan ang bana og 200 yuan ug gitapyasan og tulo ka puntos ang lisensya tungod sa wala pag-inspeksyon sa sakyanan, samtang ang maong hitabo nahimong kataw-anan nga leksyon nga mas maayo pa ang maayong komunikasyon tandi sa usa delikadong lakang.