Nakig-alayon ang mga tropa sa Alpha “Arbiter” Company ubos sa 89th Infantry Battalion (89IB), sa pagdumala ni First Lieutenant John Andrew S Gloriani, ngadto sa buhatan ni Valencia City IPMR Bae Irene Pandian Songcayawon aron ipahigayon ang usa ka lecture kalabot sa NCIP 11 Building Blocks niadtong Mayo 6, 2026, didto sa Sitio Malantao, Brgy. Halapitan, San Fernando, Bukidnon.
Tumong sa maong kalihokan nga mapalig-on ang proteksyon, pag-asdang, ug pagrespeto sa katungod, kultura, ug tradisyon sa mga Indigenous Peoples (IPs), ilabi na nga mokabat sa 70 porsyento sa area of responsibility sa batalyon ang gilangkuban sa mga komunidad sa lumad.
Pinaagi niini, gipahayag ni 1LT Gloriani nga mas mapalawom sa kasundalohan ang ilang kaalam sa kultura ug mapalambo ang mas sensitibo nga pakigrelasyon ug kooperasyon tali sa militar ug sa mga lokal nga tribu sa tibuok probinsya.