Duha ka lalaki samran sa pagpanigbas nga natigayon sa Don Carlos Bukidnon

Landing sa balay tambalanan ang duha ka 44-anyos nga lalaki human gitigbas og bolo sa usa ka 45-anyos nga lalaki sa Purok 5, Barangay Mahayahay, Don Carlos, Bukidnon kagahapon sa gabii.

Sumala sa inisyal nga imbestigasyon, nag-inom ang duha ka biktima kauban ang ilang mga kapamilya sa gawas sa ilang pinuy-anan dihang miabot ang suspek nga giingong nakainom.

Gihangga’t kini sa mga biktima nga mokaon apan milakaw ug mibalik nga adunay dala nga bolo ug kalit silang gitigbas sa abaga.

Gidala ang duha ka biktima sa Bukidnon Provincial Hospital sa Maramag diin gikonsiderar silang stable ug gitahi ang ilang mga samad.

Nagpatuman usab ang Don Carlos Municipal Police Station og hot-pursuit operation alang sa posibleng pagdakop sa suspek.