Nahimong emosyonal ang OPM singer-songwriter nga si Yeng Constantino human hiningpit nga na-sold out sa sulod lamang sa usa ka oras ang mga tiket alang sa Day 3 ug Day 4 sa iyang “Biyaheng Bente: 20th Anniversary Concert” nga ipahigayon sa Smart Araneta Coliseum karong Nobyembre 17 ug 18.
Mipadayag og dakong pasalamat si Yeng taliwala sa nagpadayon niyang “Biyaheng Bente US Tour”. Sumala sa iyang agency nga Cornerstone Entertainment, nagiyugyog sa mga fans ang TicketNet diin paspas nga nahurot ang mga tiket alang sa duha ka dugang nga petsa human dayon sa pagbukas sa pagbaligya niini.
Sa wala pa ang iyang pagbalik sa Big Dome sa Nobyembre, nakatakda usab nga mopasundayag si Yeng diha sa iyang regional tour sa Davao, Baguio, ug Laguna isip kabahin sa padayong pagsaulog sa iyang ika-20 ka tuig sa industriya sa musikang Pilipino.