Gikonsiderar sa kapolisan nga kontrolado ang mga insidente sa Bukidnon, samtang padayon ang imbestigasyon aron mahatagan og hustisya ang mga biktima.
Lakip sa kasagarang insidente ang homicide ug mga aksidente sa dalan, ilabina karon nga ting-ulan. Matud ni PCPT. Sheila Joy P. Jangad, tigpamaba sa Bukidnon Police Provincial Office, padayon ang kapolisan sa pagpahigayon sa mga checkpoint ug deployment sa mga estratehikong lugar.
Gipadayag usab niini nga bisan pa man adunay mga krimen nga nahitabo sa Bukidnon sa mi-aging bulan padayon gihapon ang kapulisan sa tinguha nga malikayan na ang susamang insidente.
Gipahimangnoan sa Bukidnon Police Provincial Office ang mga motorista nga susihon ang kahimtang sa ilang sakyanan, likayan ang pagdrayb human makainom ug mag-amping sa pagbiyahe.
Gipadayon usab ang 24/7 nga pagserbisyo sa kapolisan.