Nagpadayon ang dinagkong protesta sa mga kabatan-on sa France batok sa giingong dili makiangayon nga kahimtang sa sektor sa edukasyon, diin kapin 500 sa 3,700 ka high school ang naapektohan.
Sumala sa mga report, nakig-atbang na ang liboan ka mga nagprotesta sa riot police, samtang adunay mga dalan nga gisunog tungod sa ilang kasuko sa kakulang sa mga magtutudlo ug pasilidad sa mga eskwelahan.
Gikataho usab nga usa ka 17-anyos ang gidakop niadtong Biyernes tungod sa giingong attempted homicide batok sa usa ka pulis.
Sa mga protesta, 170 ka estudyante ug kapin 65 ka kawani sa eskwelahan ang nasamdan, lakip ang 40 ka school principal.
Mokabat usab sa 100 ka eskwelahan ang grabeng nadaot.
Nagsugod ang protesta sa Paris ug mikaylap sa ubang dagkong siyudad sama sa Montpellier, Nantes ug Marseille.