3 ka personalidad nadakpan sa magkalain-lain nga drug buy-bust operation sa Bukidnon; P114,920 nga shabu nakumpiska

Tingkagol sa bilangguan ang tulo ka giingong street-level drug personalities sa managlahing drug buy-bust operation sa Valencia City ug Kitaotao, Bukidnon kagahapong adlawa.

Duha sa mga operasyon gihimo sa Valencia City diin nadakpan ang 32-anyos nga lalaki ug 45-anyos nga babaye, samtang usa ka 31-anyos nga lalaki ang nadakpan sa Kitaotao.

Nakumpiska sa tulo ka operasyon ang 19 ka sachet sa gituohang shabu nga motimbang og 16.9 gramos ug nagkantidad og P114,920.

Giandam na ang kaso batok sa tulo ka suspek tungod sa paglapas sa Sections 5 ug 11, Article II sa Republic Act 9165.

Ang mga nakumpiskang droga dad-on sa Provincial Forensic Unit alang sa laboratory examination, samtang anaa na sa kustodiya sa kapulisan ang mga nadakpan.