- Advertisement -
Naigo sa usa ka Russian drone ang Northern Bridge, usa sa mga pangunang tulay sa Kyiv, Ukraine, samtang nagpahigayon og opisyal nga pagduaw sa maong dakbayan si German Chancellor Friedrich Merz.
Nahitabo ang maong pag-atake samtang naa sa Kyiv si Merz kauban si German Minister Katarina Reiche aron ipakita ang ilang pagsuporta kang Ukrainian President Volodymyr Zelensky. Gigamit sa Moscow sa maong pag-atake ang mga high-speed, jet-powered Shahed-type drones nga gidesinyo aron makalapas sa air defense systems sa Ukraine.
Nagpakita kini sa padayong peligro ug pagpasamot sa mga pag-atake sa Russia batok sa mga importanteng imprastraktura sa kapital nga dakbayan taliwala sa nagpadayong gubat.
- Advertisement -