Mipaabot sa iyang kabalaka ang usa ka negosyante og bugas sa Malaybalay City gumikan sa presyo sa bugas ning panahona.
Matud pa ni Elizera Clavejo, 60 years anyos, negosyante ug residente sa P2, Barangay 9, Market Site, Malaybalay City, nga miubos ang presyo sa lokal ug imported nga bugas ug ang hinungdan mao ang pagpatuman sa “price control” sa mga negosyante.
Dugang pa ni Eliza, gihatagan sila og higayon nga mamaligya og barato nga bugas, apan mas gipilion niini ang dunay kalidad nga bugas nga mapalit sa kapin 40 pesos.
Mipahayag usab kini sa iyang komento nga imposible matod pa nga muabot sa probinsiya sa Bukidnon ang tag 20 pesos nga bugas.
Samtang, niingun usab kini nga dunay dako nga epekto kanila isip negosyante ang distribusyon sa barato nga bugas gumikan mahimong mingaw ang palit sa imported nga bugas nga ilang baligya.
Sa laing bahin, nakahinabi sa Bombo Radyo Malaybalay Bukidnon ang usa ka konsumante sa bugas diin gikanayon niini nga mas pilion niining konsumuhon ang mga imported ng klase sa bugas inay ang produkto sa NFA.