Misaka na sa 25 ka tawo ang kumpirmadong namatay gumikan sa bagyong Crising, Dante, Emong, ug sa habagat, base sa sa datos nga natala sa National Disaster Risk Reduction and Management Council (NDRRMC) hangtud ning Biyernes sa buntag. Matud pa sa NDRRMC, walo pa ka tawo ang kasamtanagang pangita human nawagtang sa maong kalamidad.
Padayon pang ginakumpirma sa ahensya ang laing 10 pa nga patay diin posible nga madugang sa official death toll. Sa pagkakaron, mikabat na 765,869 ka pamilya ang apektado sa maong kadaot, 40,487 niini ang napugos pag hikling ug temporaryong nanimuyo sa mga evacuation centers.
Matud pa, anaa sa P366.3 milyon ang gibanabanaang damyos sa agrikultura ang natala, diin ang rehiyon sa MIMAROPA ang labing apektado.
Dugang pa niini, 40 ka lungsod ug munisipyo sa unom ka rehiyon ang gibutang na sa ilawom sa state of calamity lakip ang na dakbayan sa Metro Manila.
Gipahibalo na usab sa goberno nga nakahatag na kini og P181.4 milyon nga ayuda para sa mga naapektuhan, samtang padayon ang pakigkoordina sa NDRRMC sa mga lokal nga panggamhanan nga apektado sa maong katalagman.