Hingpit nga misamot ang kakusog ug nahimo na nga usa ka severe tropical storm ang Bagyong Domeng samtang naglihok kini sulod sa teritoryo sa Pilipinas, sumala sa pinakabag-ong report sa Philippine Atmospheric, Geophysical and Astronomical Services Administration (PAGASA).
Katapusang nakit-an ang bagyo sa gilay-ong 95 kilometro sa sidlakang bahin sa Northern Luzon, nga nagdala og kakusog sa hangin nga moabot ngadto sa 95 km/h duol sa sentro ug adunay pagbugso nga 115 km/h samtang naglihok pa-amihanan sa kakusgon nga 15 km/h.
Bisan pa man nga gamay ang tsansa nga direktang mo-landfall o makaapekto ang bagyo sa dagan sa panahon sa nasod sulod sa 24 oras, gipahibalo sa weather bureau nga mamahimo niining pakusgon ang southwest monsoon o habagat nga magdala og mga kusog nga pag-ulan pipila ka bahin sa nasod sugod ugma, Domingo, Mayo 31.
Gilauman usab nga mamahimong usa ka hingpit nga typhoon ang bagyo unyang gabii sa dili pa kini moliko padulong sa southern Japan sa Lunes, Hunyo 1.