Mayor sa Shariff Aguak, Maguindanao del Sur gi ambush; 3 ka suspetsado patay sa hot pursuit operation

Gi-ambush ang convoy ni Shariff Aguak Mayor Datu Akmad Mitra Ampatuan kaganihang buntag, Domingo, Enero 25, gamit ang RPG ug mga tag-as nga matang sa armas sa Barangay Poblacion.

Sumala ni Anwar Emblawa, Secretary to the Mayor, luwas ug wala masamdan ang alkalde human sa maong pagpangatake, apan duha sa iyang mga security detail ang naigo ug daling gidala sa balay tambalanan.

Sa gihimong hot pursuit operation sa kapulisan sa lungsod sa Datu Unsay, gikumpirma ni P/Capt. Steffi Salanguit, Spokesperson sa PRO-BAR, nga napatay ang tulo ka mga suspek nga gikaingong nalambigit sa ambush.

Sa pagkakaron, padayon pa ang imbestigasyon sa mga awtoridad aron masuta ang tinuod nga motibo luyo sa maong madugoong insidente.