Nagpaalim karon sa balay tambalanan ang usa ka magtutudlo nga naangol human gipuspusan sa iyang kauban gamit ang stand fan sulod sa School Office sa Balila Elementary School, Brgy. Balila, Lantapan, Bukidnon pasado alas 9:30 sa buntag, Nobyembre 12, 2025.
Giila ang biktima nga si Rasel D. Molina, Officer-In-Charge ug Teacher III sa maong tunghaan, samtang ang suspek mao si alyas Ritch, usa ka magtutudlo.
Sumala sa nakasaksi nga si alyas Marie, kalit nga naglagot ang suspek human wala modawat ang sistema sa iyang fingerprint sa biometrics.
Tungod niini, naglasong kini ug nangguba sa mga gamit sa opisina, lakip na ang pagbuak sa mga baso ug uban pang butang.Dihang nakita sa suspek ang stand fan, gipuspusan niini sa ulo ang biktima nga maoy hinungdan sa grabeng samad niini.
Naggukod pa matud pa ang suspek sa uban pang magtutudlo ug nadamay pa ang usa ka mirespondeng pulis.
Sa laing bahin saysay pa ni alyas Jim nga nagmahay siya sa panghitabo human niini nadapatan ang iyang kauban nga magtutudlo ingon man nangayo kini ug pasaylo human kini nag lagot ug nagpadala sa kainit sa iyang ulo.