Nasikop sa mga otoridad sa India ang usa ka lalaki nga mihimo og peke nga embahada ug nagpakarong-ingnon nga embahador sa usa ka walay klarong nasud aron makapahimulos sa mga gustong mamuhunan.
Ang suspetsado si Harshvardhan Jain, nga gitukod ang maong embahada sa usa ka bungalow sa lungsod sa Ghaziabad.
Aron mas motu-o ang mga tawo, gipakita ni Jain nga siya usa ka adunahan ug respetadong opisyal sa diplomasya.
Migamit siya og mga peke nga papeles ug gibitay ang mga inimbentong nasud sama sa “Ladonia,” “Poulva,” “Seborga,” ug “Westarctica” sa gawas sa iyang gipuy-an.
Ang Special Task Force (STF) sa Uttar Pradesh Police mihimo sa operasyon nga misilot sa maong embahada ug mipugos sa pagdakop kang Jain.
Nakumpiska sa operasyon ang upat ka sakyanan nga peke ang diplomatic plates, mga bogus nga pasaporte alang sa 12 ka peke nga mga nasud, ug mga pekeng seal ug emblema sa nasud.
Karon, anaa na sa kustodiya sa kapulisan si Jain ug posible siyang atubangon sa daghang kaso nga may kalabotan sa pagpanglimbong ug pamakak.