Nakatala na usab og laing world record si serial record-breaker David Rush samtang sakay sa Disney Cruise pinaagi sa pagkuha og Guinness World Record alang sa pagbali sa mga toothpicks.
Sumala ni Rush, nga nagpukot na og kapin sa 300 Guinness World Records titles, sakay sila sa iyang pamilya sa Disney Cruise aron bisitahon ang National Park sa American Samoa, ang pinakakayo nga U.S. National Park ug tungod kay 11 ka adlaw ang ilang paglawig sa dagat, nakahuna-huna siya nga kinahanglan niyang makahimo og world record, rason nga iyang nahuna-hunaan ang pagbali sa daghang mga cocktail sticks kon toothpicks sulod sa usa ka minuto.
Dinhi na gilinya ang 100 ka mga diamond-cut toothpicks sa taas nga lamisa ug gisugdan gilayon niya ang pagbali sa mga niini kondiin mi-abot sa 84 ka mga toothpicks ang iyang nabali sulod sa usa ka minuto rason nga iyang napildi ang kasamtangang record nga 58 ka toothpicks nga natala sa taga-Indiana nga si Harrison Niswander niadtong tuig 2020.
Gihulatan na lang ni Rush ang confirmation gikan sa Guinness World Records nga siya ang opisyal nga nakakuha sa maong titulo.