Kim Chiu, maglusad og pinaka-una nga closet sale alang sa charity

Gipahibalo sa aktres ug host nga si Kim Chiu ang iyang pinaka-una nga “closet sale” nga pagahimoon gikan Enero 28 hangtod Pebrero 1, diin ang tanang kita ihatag niini sa mga charitable organizations.

Gipaambit ni Kim ang maong inisyatiba sa iyang social media, diin gitawag kini nga usa ka “closet clean-out” sa mga outfit nga dili na niya gigamit.

Ang sale maglangkob sa mga butang gikan sa personal niyang wardrobe, lakip na ang mga sinina nga iyang nasuot ug napakita sa social media.

Ang presyo sa mga item anaa sa P50 hangtod P2,000.

Bisan wala pa niini gihisgutan ang mga benepisyaryong organisasyon, gipasiguro ni Kim nga ang tanang proceeds ipanghatag sa charity.