Gipasiugda sa constitutional law book author ug law professor nga si Atty. Jennifer Arlene Reyes nga ang kasamtangang kaso ug pagka-detainee ni Ramil Madriaga dili makaapekto sa kabug-at sa testimonya niini.
Kini ang iyang tubag sa mga pagsaway kalabot sa paghatag sa Kamarabaha og taas nga oras kang Madriaga bisan pa sa iyang criminal background.
Sa pakighinabi sa Bombo Radyo Philippines kang ni Atty. Reyes gibutyag niini nga base sa balaod sa Pilipinas, ang tanang tawo mahimong testigo sa usa ka kaso basta adunay personal nga kahibalo sa mga panghitabo, bisan unsa pa ang ilang personal o criminal nga kahimtang.
Aduna usab katungod ang kinsa nga convicted criminal, diin nga gitugotan gihapon sila sa korte nga motestigo base sa ilang nasayran sa kaso.
Gipahayag usab sa abogado nga ang korte maoy naghatag og proteksyon ug igong oras sa mga testigo aron makasulti sa ilang mga nahibal-an, taliwala sa ilang personal ug criminal background.
Gibarugan usab sa abogado nga responsibilidad na sa depensa ang pagpamatuod nga sayop o hinimo-himo lamang ang pahayag sa usa ka testigo, nga walay pagkwestyon criminal background niini.
Matud ni Reyes nga mas angay nga tubagon sa kampo ni VP Sara ang mga alegasyon ni Madriaga ug ipamatuod nga dili siya credible nga testigo.