Gipanghimakak ni House Prosecutor ug Manila Representative Joel Chua nga mihuyang ang impeachment case batok kang Vice President Sara Duterte human sa pagdungog sa Senado kagahapon.
Matud niya, naglaom ang prosekusyon nga tugotan sa impeachment court ang pagtestigo ni National Bureau of Investigation (NBI) Director Melvin Matibag, nga usa sa mga importanteng testigo sa kaso.
Gipahayag usab si Chua nga wala pa isalikway sa impeachment court ang ilang hangyo tungod kay wala pa kini makadesisyon.
Matud niini, gimandoan sila sa korte nga mosumite sa written manifestation lakip ang mga dokumento sama sa invitation, letter ug travel authority aron matuman ang gikinahanglan sa korte.
Miangkon usab si Chua nga nabalaka siya human malakip ang iyang ngalan sa mga pahayag ug video nga gipresentar isip ebidensya sa pagdungog kagahapon adlawa.
Matud niya, giseryoso niya ang mga pahayag ni Vice President Sara Duterte tungod kay kini gikan sa ikaduhang labing taas nga opisyal sa nasud, hinungdan nga iyang gipalig-on ang iyang seguridad. Dugang pa ni Chua, mas milig-on pa ang impeachment case batok kang Duterte.
Matud niya, dili ikumpara ang impeachment sa usa ka kriminal nga kaso tungod kay lahi ang sukdanan sa ebidensya.
Iyang gihisgutan usab ang pahayag ni Atty. Jeremy Lotoc nga “airtight” ang kaso, nga nagpasabot nga lig-on ang mga ebidensyang napresentar.