Nipasaka og kasong sibil sa Delaware Superior Court ang kanhi Miss Jamaica nga si Dr. Gabrielle Henry batok sa Miss Universe Organization (MUO) ug sa mga kumpanya niini nga JKN Legacy Inc. ug Legacy Holding Group, human sa iyang makalilisang nga pagkahulog gikan sa 5 ft. nga gihabugon pinaagi sa usa ka walay tabon ug walay marka nga lungag sa stage atol sa preliminary competition niadtong Nobyembre 19 sa nakalabay nga tuig sa Thailand.
Taliwala sa pagsunod sa iyang mga nakat-onan nga choreography, naigo si Henry sa kusog hayag sa suga nga nakadaot sa iyang panan-aw, hinungdan nga nahagba kini nga miresulta sa pagkawala sa iyang panimuot, grabe nga traumatic brain injury, acute subarachnoid hemorrhage, frontal lobe hemorrhagic contusion, ug subdural hemorrhage.
Tungod sa maong insidente, halos usa ka bulan siya nga na-ospital, hinungdan nga trauma nga naangkon ug napugos sa pagpahunong sa iyang medical residency isip usa ka ophthalmologist.
Lakip sa iyang mga gihabwa nga reklamo mao ang negligence, premises liability, negligent hiring, ug intentional infliction of emotional distress batok sa mga tagdumala.