Nagtala og bag-ong kasaysayan sa tibuok kalibotan ang usa ka sais anyos (6) nga batang babaye gikan sa Tsina nga si Lian Yunzhi matapos niyang nabuak ang women’s world record alang sa 3x3x3 Rubik’s Cube sa duha ka higayon sulod lamang sa tulo ka adlaw atol sa mga sangka sa World Cube Association.
Unang gipanaog sa lumad nga taga-Sichuan Province ang rekord ngadto sa average nga 4.52 ka segundo sa kompetisyon sa Wuhan, ug wala madugay gipanaog pa gyud kini ngadto sa 4.27 ka segundo sa Guangzhou.
Tungod niining maong talagsaong kabag-ohan, si Yunzhi na ang bugtong babaye nga cuber sa tibuok kalibotan nga nakatala og average nga mubo pa sa 4.5 ka segundo.
Ang maong dakong kalampusan resulta sa iyang grabeng paningkamot diin nakamugna kini og kapin sa 1,300 ka algorismo pinaagi sa paggahin og duha hangtod tulo ka oras nga pagbansay matag adlaw sulod sa pipila ka tuig.