Alex Eala, napakyas sa pag-abante sa Singapore Open

Natapos na ang kampanya ni Pinay tennis star Alex Eala sa Singapore Open human siya napildi batok kang Tatiana Prozorova sa Russia.

Miabot sa tulo ka set ang ilang panagsangka kung diin unang nakuha sa Russian player ang kadaugan, 6-4. Nakabawi man tuod si Eala sa ikaduhang set sa iskor nga 7-5, apan pag-abot sa ikatulo ug katapusang set, hingpit kining gidominar ni Prozorova sa iskor nga 6-3.

Tungod niini, moabante sa quarterfinals si Prozorova aron sangkaon si Wang Xinyu sa China. Sa laing bahin, ang sunod nga tutokan ni Eala mao ang pagrepresentar sa Pilipinas alang sa umaabot nga Asian Games.