PhilHealth YAKAP medicines, ipatuman sa Malaybalay health facilities

Ipatuman sa Malaybalay City ang serbisyo alang sa PhilHealth YAKAP members human maaprobahan ang accreditation sa mga health facility alang sa paghatag og maintenance medicines, sumala kang Mayor Jay Warren R. Pabillaran.

Matud sa Alkalde, pinaagi sa YAKAP program, ang mga kwalipikadong PhilHealth members mahimong makadawat og maintenance medicines nga mokabat og P20,000 kada tuig.

Apil sa mga tambal ang mga gigamit sa pagdumala sa diabetes ug uban pang chronic diseases, samtang ang serbisyo ipatuman uban sa mga doktor, nurse, midwife ug medical technologist sa mga health facility.

Gilauman nga makatabang ang maong programa sa mga pasyente nga regular nga nanginahanglan og maintenance medicines pinaagi sa PhilHealth YAKAP.