Mitaliwan na ang NBA legend ug unang nakadaog sa Most Valuable Player award nga si Bob Pettit sa edad nga 93.
Sumala sa Louisiana State University, namatay si Pettit niadtong Septiyembre 23, usa ka adlaw sa wala pa gipahibalo ang iyang kamatayon.
Wala maghatag og hinungdan sa iyang pagkamatay.
Nakadaog si Pettit sa unang NBA MVP award niadtong 1956 ug nakakuha pa og ikaduhang MVP niadtong 1959.
Napili usab kini isip All-Star sa tanan niyang 11 ka season sa NBA. Gidala usab niini ang St. Louis Hawks sa ilang bugtong NBA championship niadtong 1958 batok sa Boston Celtics, diin nakapuntos kini og 50 puntos sa Game 6 aron makuha ang titulo.
Na-induct si Pettit sa Naismith Memorial Basketball Hall of Fame niadtong 1970 ug miretiro human sa 1964-65 season.