Nakumpiska sa kapulisan ang nagkadaiyang smuggled nga sigarilyo sa managlahing operasyon sa mga lungsod Bukidnon. Sumala sa report, tulo ka suspek ang nadakpan sa hiniusang operasyon sa kapulisan ug ubang mga ahensya.
Sa Sumilao, usa ka 38-anyos nga lalaki ang nasakpan samtang nagbaligya og ilegal nga sigarilyo, diin 11 ka reams nga nagkantidad og ₱8,800 ang nasakmit gikan sa nagkadaiyang brand.
Sa Lantapan, nadakpan usab ang 68-anyos nga babaye human makit-an nga nagdisplay og smuggled cigarettes sa tindahan niini, ug nakuha gikan kaniya ang usa ka ream ug upat ka pakete nga nagkantidad og ₱1,120.
Samtang sa Cabanglasan, usa ka 22-anyos nga lalaki ang nasikop sa pagbaligya og sigarilyo nga walay graphic health warning, diin tulo ka reams nga nagkantidad og ₱2,400 ang nakuha sa gikan sa posisyon niini.
Ang tanang nadakpan ug mga ebidensya gidala sa tagsa-tagsa ka municipal police station alang sa dokumentasyon ug dayon gitugyan sa Municipal Health Office alang sa hustong disposisyon.