Nagtuo si kanhi Supreme Court Associate Justice Adolfo Azcuna nga aduna kahigayunan nga kuwestyunon ang desisyon sa Korte Suprema kabahin sa impeachment complaint batok ni Bise Presidente Sara Duterte.
Bisan pa man nga unanimous ang desisyon sa Korte Suprema sa nasud pagdeklara nga unconstitutional ang impeachment case.
Matod ni Justice Azcuna nga mahimo gihapon nga magpasaka og motion for reconsideration (MR) ang Kamara de Representantes aron kuwestyunon kini.
Nagtuo ang kanhing associate justice nga adunay tyansa nga mausab ang desisyon sa korte, labi na kung adunay bag-ong mga argumento nga ipresentar o ipadayag.
Posible usab nga adunay mga mahistrado nga usbon ang ilang boto base sa bag-ong presentasyon.
Gipakita usab ni Azcuna nga wala tagai og higayon ang Kamara sa paghatag og tubag o komento sa desisyon sa korte, nga usa ka klarong paglapas sa prinsipyo sa due process.
Tungod niini, iyang giingon nga angayan lamang nga kuwestyunon ang desisyon sa korte suprema.
Niadtong Hulyo 25, gipagawas sa Korte Suprema ang desisyon nga nagdeklarar sa articles of impeachment batok sa Bise Presidente nga unconstitutional.
Matud sa korte nga nalapas sa complaint ang 1-year bar rule nga gitakda sa Konstitusyon, diin giingon nga kinahanglan adunay usa ka tuig nga lak-ang sa wala pa mahimong pagpsaka og laing impeachment complaint batok sa usa ka impeachable official sa nasud.