Nabutyag sa ika-13 nga adlaw sa impeachment trial ni Vice President Sara Duterte nga walay official receipt o sales invoice nga gisumite ang Office of the Vice President ug Department of Education kalabot sa ilang paggamit sa confidential funds.
Sa pagkwestyon ni Senator-Judge Francis “Kiko” Pangilinan sa kanhi State Auditor Atty. Roderick Wamil, gitin-aw nga ang official receipt o sales invoice importante nga dokumento aron mapamatud-an sa Commission on Audit kung asa gigasto o gigamit ang confidential funds.
Gipadayag usab ni Wamil nga ang impormasyon direkta nga gipalit gikan sa usa ka tawo isip bahin sa confidential operations, mahimong gamiton ang acknowledgment receipt isip pamatuod nga nadawat sa maong tawo ang kwarta.
Gipasabot ni kanhi State Auditor Atty. Roderick Wamil nga wala usab makasumite ang Office of the Vice President og Department of Education og dokumentaryong ebidensya nga nagpakita sa “evidence of success” sa ilang reward payments nga gilakip sa confidential funds.