Nagpabiling kontrobersyal ang nagadayon nga impeachment trial batok kang Bise Presidente Sara Duterte human gibatikos sa usa ka lider sa kabatan-onan ang giingong dayag nga “political bias” sa pipila ka mga senador-judges sa impeachment court.
Sa usa ka pakighinabi kang Kobe Canda, ang chairperson sa Kabataan-Partylist sa Southern Mindanao, human sa ikasyam ka adlaw sa impeachment trial, gihulagway niini n nga nag-alingasaw na ang pamolitika sa senado inay nga magpabilin neutral ug “impartial” nga mga hukom.
Gitudlo ni Kobe si Senator-Judge Robin Padilla nga dayag nga wala na nagalihok isip usa ka patas nga huwes. Sumala sa representante sa maong grupo, ang mga interjection ug pamahayag ni Padilla—lakip na ang subling pagtuki sa pikas nga argumentong gipili sa 32 milyones ka mga Pilipino si VP Sara.
Giinsistir ni Kobe nga bisan unsa pa kadaghan sa boto nga nadawat sa usa ka opisyal sa gobyerno sa naglabayng eleksyon, dili kini makahatag og pagka-libre o “immunity” sa panahon nga giabuso ang pondo ug kaban sa katawhan.
Samtang giangkon usab ni Canda nga adunay mga bahin sa prosecution team nga mapalambo pa, busa gilauman sa grupo nga mas mapadayag pa ang mga ebidensya sa giingong pagwaldas sa pondo sa OVP ug DepEd samtang nagapadayon ang pagpaminaw sa impeachment court.Â