Hilabihan ang kasubo sa kabanay sa namatay nga miyembro sa New People’s Army kon (NPA) ug gikaingong usa ka taas nga opisyal sa maong pundok.
Kini human sa natigayong engkwentro tali sa militar ug walhong grupo nga dugay nang ginabantayan sa mga kasundaluhan.
Niabot karong adlawa ang pamilya niini sa Villanueva Funeral Homes aron sa pagkuha sa patay’ng lawas niini. Makita ang grabe nga pagbangutan sa mga kabanay human sa gidangatan ni Alyas Tado.
Matud sa igsuon niini nga si Alyas Dodong, kinse na ka tuig ang milabay ang katapusang higayon nga nakita niya kini ug karon wala nay kinabuhi sa dihang nakita pag usab human makadawat og balita nga patay na ang iyang igsuon nga gipili ang musanib sa walhong pundok sa kabukiran.
Gisaysay usab sa anak niini nga si alyas John nga wala pa gayud siya sukad kakita sa iyang amahan ug karong patay na niyang napalgan busa wala kasabot sa iyang gibati sa pagkakaron.
Ang pamahayag ni Alyas Dodong, igsuon sa namatay nga NPA human maka-engkwentro ang kasundaluhan sa 8th -IB sa may boundary sa Agusan del ug Bukidnon.
Samtang wala usab kapugngi sa laing kabanay niini ang kasubo sa dihang nakita niini ang patayng lawas sulod sa lungon.