Pagbisita ni Vietnamese President To Lam sa Senado, gikansela

Gikansela ang gikatakdang pagbisita ni Vietnamese President To Lam sa Senado kagahapon, Hunyo 1.

Sumala sa pahibalo sa Senate Office of International Relations and Protocol, wala madayon ang pag-abot sa presidente nga gilauman moabot takna sa alas 2:30 sa hapon.

Gikumpirma usab sa Senado nga giusab sa habig sa Vietnam ang ilang mga appointment, lakip na ang pag-atras sa miting uban ni Senate President Alan Peter Cayetano niadtong Huwebes sa hapon, bisan pa nga walay gihatag nga pormal nga hinungdan sa maong desisyon.

Tungod sa maong pagbisita nga wala madayon, ang sesyon sa Senado kagahapon gi-adjust ngadto sa alas 5:00 sa hapon, imbes sa naandan nga schedule nga alas 3:00 sa hapon.