Gatusan ka mga lumulupyo sa Nanyuki, Central Kenya ang ninaog sa kadalanan niadtong Lunes, Hunyo 1, isip pagpadayag sa ilang pagsupak sa plano sa Estados Unidos nga magtukod og pasilidad alang sa mga pasyenteng na-expose sa Ebola sulod sa usa ka base militar sa maong dapit.
Ang maong protesta gipahigayon pipila ka adlaw human nimando ang korte nga temporaryong ihunong ang konstruksyon sa proyekto tungod sa kahadlok sa publiko nga mamahimo kining risgo sa ilang panglawas.
Bisan pa niini, nagpadayon ang mga kalihukan sa militar ug ang pag-abot sa mga ayroplano sa maong base, nga mas nakapaukay sa mga residente.
Sa habig sa mga opisyal sa Amerika, gipasalig nila nga ang maong 50-bed facility gitagana lamang alang sa mga Amerikano nga gi-monitor tungod sa posibleng exposure sa virus apan wala pa’y gipakita nga sintomas.
Giklaro usab sa gobyerno sa Kenya nga ang proyekto kabahin sa ilang paningkamot nga mapalig-on ang ilang sistema sa pagtubag sa mga emerhensya.
Bisan pa sa mga katin-awan, nagpabilin ang baroganan sa mga raliyista nga ang presensya sa maong pasilidad nagdala og dakong peligro sa ilang komunidad.