Nagviral karun ang video sa gikaingong opensiba sa Israeli Defense Force (IDF) sa syudad sa Tyre sa habagatang bahin sa Lebanon. Makita sa video ang pagpambomba sa mga gambalay sa lugar diin nagdala kini og grabeng tensyon sa komunidad.
Sa pikas bahin, hugot nga gipamugos sa Israel nga dili mga sibilyan ang target sa operasyon apan mga pasilidad ug imprastruktura sa Hezbollah.
Ang maong lugar gideklara usab sa Israel nga combat zone bisan pa nga adunay nagpadayon nga ceasefire.
Kini matud pa ang unang higayon nga subling gipa-aktibo sa IDF ang ilang air attack sukad sa milabayang semana.
Sa pagkakron, wala pay nareport nga ihap sa mga nakalas sa pag-atake. Gawas niini, wala pa usab mensahe nga gipagawas ang Beirut Government kalabot sa maong panghitabo .