Naglunsad og bawos nga pagpangatake ang Islamic Revolutionary Guard Corps (IRGC) sa nasod sa Iran batok sa usa ka air base sa Estados Unidos (US).
Bisan pa man og wala gihisgutan sa opisyal nga report kon asa dapit ang eksaktong lokasyon sa maong air base, nasayran nga gihimo sa Iran ang maong lakang isip tubag sa unang pagpabuto ug pagsalakay sa militar sa Amerika ngadto sa ilang mga military site didto sa Bandar Abbas—usa ka estratehikong port city sa Iran. Sa pikas bahin, ang nasod sa Kuwait, nga nag-host usab og air base sa US, nagkanayon nga duna silay napugngan ug na-intercept nga mga giingong “hostile missile ug drone threats” gamit ang ilang air defense system, apan wala nila gibutyag kon diin kini gikan.
Tungod niining pinakabag-ong sunod-sunod nga pagpabuto sa duha ka pwersa, mas misamot karon kamapahak ug nameligro ang kasamtangang gipatuman nga ceasefire o kasundalohan sa temporaryong paghunong sa gubat sa maong rehiyon.