Iran, nagbahad nga gub-on ang mga barko nga moagi sa Strait of Hormuz nga walay permiso

Nagpagula og seryosong pasidaan ang Iranian Navy ngadto sa mga barko nga anaa sa Strait of Hormuz nga kinahanglan  makakuha og permiso gikan sa Tehran sa dili pa makatabok.

Gipaniguro sa Iran nga ilang gub-on ang bisan unsang sasakyang pandagat nga mosulay sa pag-agi nga walay pagtugot gikan sa kagamhanan.

Kini nga tensyon miulbo human mipahayag si US President Donald Trump nga andam kining  moundang sa mga pag-atake batok sa Iran sulod sa duha ka semana, basta ablihan ang maong agianan sa luwas ug dinalian nga pamaagi. 

Sa pagkakaron, daghang mga barko ang nagpabiling naghunong sa maong dapit samtang padayon ang Iran sa pagpahugot sa ilang kontrol, diin namatikdan usab ang mga eroplanong panggubat nga naglupad-lupad sa Persian Gulf.