Gianunsyo ni Iran’s Foreign Minister Abbas Araghchi, nga magpabiling “completely open” ang Strait of Hormuz diin usa sa pinakaimportanteng agianan sa global nga kalakalan sa lana samtang nagpadayon ang ceasefire sa Middle East.
Sa post niini sa X, sumla ni Araghchi nga ang agianan para sa tanang komersyal nga barko sa Strait of Hormuz magpabiling bukas sulod sa panahon sa ceasefire.
Apan, dili pa klaro kung ang iyang gipasabot nga ceasefire mao ba ang 10 ka adlaw nga kasabutan tali sa Lebanon ug Israel, o ang una nga duha ka semana nga ceasefire tali sa Iran ug Estados Unidos nga nagsugod niadtong Abril 8.
Subay niini, nagpakita og positibong tubag si U.S. President Donald Trump ug giingon nga kini usa ka timaan sa pag-uswag sa panaghisgot sa kalinaw.
Sa iyang post sa Truth Social, miingon kini og “THANK YOU!” ug gidugang nga giila sa Iran nga ang maong agianan “FULLY OPEN AND READY FOR FULL PASSAGE.”
Bisan pa niini, gipasabot ni Trump nga magpabilin ang naval blockade sa U.S. batok sa mga pantalan sa Iran hangtod nga mahuman ang pinal nga kasabutan tali sa duha ka panig.
Sumala ni Trump, mahimong “100% complete” lamang ang proseso kung pinal na ang kasabutan.
Sa laing pahayag, sigon usab ni Trump nga duol na ang usa ka ceasefire agreement sa Iran, bisan pa nga ang mga unang panaghisgot nga gipangunahan ni U.S. Vice President JD Vance sa Pakistan wala magdala og maayong resulta.