Epektibo na ang ceasefire tali sa Israel ug Lebanon karong Abril 17, nga gilauman nga magpahunong sa hapit unom ka semana nga panagbangi tali sa Israel ug sa Lebanese armed group nga Hezbollah.
Bisan pa sa pagpatuman sa ceasefire sayo sa buntag, lokal nga oras, nagpadayon gihapon ang pagpabuto og rocket sa Hezbollah sa northern Israel, samtang ang Israel napasanginlang nagpadayon usab sa ilang mga atake sulod sa mga 30 minutos human nagsugod ang ceasefire.
Sumala sa Israel nga magpabilin ang ilang mga tropa sa mga lugar nga ilang giokupa sa southern Lebanon.
Sa laing bahin, nagsugod na usab og balik ang pipila ka mga residente sa southern Lebanon, nga nahimong sentro sa mga pag-atake ug giila nga kuta sa Hezbollah.
Sa laing bahin sa Lebanon, daghang mga tawo ang nagselebrar sa mga kalsada human sa epektibong ceasefire.
Malipayon usab nga gidawat sa Iran ang 10-ka-adlaw nga ceasefire, apan nag-awhag sila sa hingpit nga pag-atras sa mga tropa sa Israel gikan sa Lebanon.
Nagpahayag usab og paglaum si US President Donald Trump nga posibleng adunay mas lapad nga kasabutan aron matapos ang panagbangi sa rehiyon, ilabi na sa gitakdang pagpadayon sa negosasyon karong weekend.