Gipasabot sa legal expert nga bisan pa nga legal ang basehan sa impeachment complaint batok kang Sara Duterte, posible gihapon kini gamiton isip politikanhong lakang sa Kongreso.
Sumala ni Proculo T. Sarmen, ang deklarasyon sa House panel nga “sufficient in form ug substance” nagpasabot lamang nga nasunod ang pamaagi sa pag-file ug ang mga alegasyon, kon tinuod, mahimong basehan sa impeachable offense sama sa culpable violation, betrayal of public trust, o graft and corruption. Dili pa kini nagpasabot nga napamatud-an na ang sala, apan lakang pa lamang kini aron tukion kung adunay probable cause.
Gidugang niya nga ang komposisyon sa Kongreso, labi na ang majority o “super majority,” mahimo nga makaapekto sa desisyon sa impeachment, busa ang proseso mahimong maapektuhan sa politika. Bisan pa niini, gipunting sa abogado nga kinahanglan gihapon nga sundon ang due process ug legal nga pamantayan aron maseguro ang hustisya ug transparency sa kaso.
Nagpadayon ang proseso samtang gilauman ang maayong pagtimbang sa ebidensya ug legal nga deliberasyon sa mga magbabalaod sa Kongreso.