Ipahiga yun ang deliberasyon sa House Committee on Justice sunod semana alang sa pagsusi sa husto nga mga porma sa impeachment complaint batok kang Bise Presidente Sara Duterte.
Sumala ni Batangas 2nd District Rep. Girville Luistro, nakatakda ang pagdungog sa Lunes, Martes ug Miyerkules ug kung mahuman ang deliberasyon sa Marso 2, pagasusihon ang sufficiency in substance sa sunod nga adlaw.
Ang Hosue of Representative nag-refer sa komite og upat ka impeachment complaint batok kang Duterte.
Ang ulahing reklamo gipasaka niadtong Pebrero 18 pinaagi ni Atty. Nathaniel Cabrera ug gi-endorso ni Manila 6th District Rep. Bienvenido Abante Jr. ug Deputy Speaker Francisco Paolo Ortega V.
Naglangkob ang reklamo sa betrayal of public trust ug graft diin nga giingong nahimo ni Duterte sa paggamit niini sa confidential funds sa Office of the Vice President ug Department of Education sa panahon nga kalihim pa kini sa maong ahensya.
Subay niini, aduna usab laing pang complaint nga gi-endorso ni Rep. Liela De Lima nga gipasaka sa usa ka concerned citizen.
Samtang, ang Makabayan Block nag-endorso usab sa complaint ni France Castro ug Arlyn Brosas.
Gipasabot sa abogado ni Duterte nga si Atty. Michael Poa, andam sila atubangon ang mga alegasyon ug nagatuo kini nga ang pagsusi sa komite magpakita nga wala kini fuctual ug legal nga basehan.