Eroplano sa Missouri nahagsa, 12 patay!

Dili moubos sa 12 ka tawo ang namatay human nahagsa ang usa ka eroplano sa Missouri, Estados Unidos, kagahapon adlawa’ng Domingo.

Sumala sa Missouri State Highway Patrol, nahitabo ang insidente duol sa Butler Memorial Airport sa maong siyudad. Sa inisyal nga taho sa mga otoridad, walay bisan usa nga naluwas sa maong trahedya.

Lakip sa mga namatay ang 11 ka skydivers ug ang piloto sa eroplano. Padayon pa karon ang imbestigasyon sa mga otoridad aron masayran ang hinungdan sa panghitabo.

Ang Butler nahimutang sa mga 60 ka milya sa habagatan bahin sa Kansas City, Missouri.

Sa pagkakaron, nakigkoordinar na ang mga hingtungdan nga ahensya sa mga pamilya sa mga biktima samtang nagpadayon ang imbestigasyon sa maong insidente.