Duha ang natala nga nakabsan sa kinabuhi samtang usa pa ang nasamdan human sa usa ka bag-ong airstrike nga gituohang gihimo sa Israel sa habagatang bahin sa Gaza, sumala sa mga otoridad sa Palestina.
Matud pa sa taho, nahitabo ang maong pag-atake bisan pa sa nagpadayon nga ceasefire tali sa mga nagkasumpaki nga banay sa duha ka nasud.
Bisan sa kasabutan sa paghunong sa panag-away, padayon gihapon nga nakasinati ang Gaza og mga opensiba nga giingong gihimo sa pwersa sa Israel.
Sa pagkakaron, wala pa magpagawas og dugang detalye ang mga otoridad bahin sa pagkaila sa mga biktima ug sa tukmang dapit diin nahitabo ang insidente.
Samtang nagpadayon ang imbestigasyon, ang internasyonal nga komunidad nagbantay gihapon sa kahimtang sa Gaza tungod sa nagpabiling tensyon sa rehiyon bisan pa sa mga paningkamot aron mapadayon ang kalinaw pinaagi sa ceasefire.