QUEZON, BUKIDNON – Dul an P150,00.00 ang kantidad human gilamoy sa kalayo ang duha ka panimalay sa Purok 7, Kipolot, Palacapao, Quezon, Bukidnon.
Sa eksclusibong pakighinabi sa Bombo Radyo Malaybalay kay SFO2 Reny R. Rubillos, officer-in-charge ug Provincial Chief sa Fire Safety Enforcement sa BFP Bukidnon, girespondehan dayon sa fire personnel ang insidente apan lisod ang pag-abot ug pagsulod sa lugar hinungdan nga dugay napalong ang kalayo.
Usa sa mga naapektuhan mao si Rudy Paralion, kinsa nagpuyo sa usa sa nasunog nga balay.
Sa pagkakaron, padayon pa ang imbestigasyon sa BFP aron masuta ang hinungdan sa sunog.
Sumala pa sa opisyal, paspas nga mikalat ang kalayo tungod kay light materials lamang ang gamit sa pagtukod sa mga balay.Natigayon ang incidente alas 11:00, Nobyembre 13, 2025.