Gilauman ang padayon nga hinay nga lihok sa merkado sa cryptocurrency tungod sa nagpadayon nga tensyon sa Middle East.
Sa panayam sa Star FM Roxas, sumala ni Christian Jay Azucena, usa ka crypto trader ug market analyst, nga karon hinay ang trading activity sa merkado kay ang mga investors ug traders naglikay sa risgo ug nag-amping sa ilang mga desisyon.
Sumala niya, posible ra nga mobalik ang kusog sa merkado kung mahuman na ang panagbangi sa maong rehiyon.
Gidugang niya nga sa unang bahin sa Abril, miingon ang mga awtoridad sa Iran nga modawat sila og bayad gamit ang cryptocurrency gikan sa mga oil ships nga moagi sa Strait of Hormuz.
Adunay usab mga barko nga giingong nakabayad na gamit ang digital currency, samtang si U.S. President Donald Trump mi-anunsyo sa pag-freeze sa mga $344 milyones nga digital assets aron mapahugot ang economic pressure batok sa Iran.
Bisan pa niini, naapektuhan usab ang mga lokal nga crypto traders sa Pilipinas tungod sa direksyon sa global cryptocurrency market, nga nagpakita sa epekto sa kalibutanong kahimtang sa ekonomiya.