Gipunting ni Atty. Lorna Kapunan ang duha ka alegasyon nga iyang giisip nga labing bug-at nga mahimong basehan sa articles of impeachment batok kang Bise Presidente Sara Duterte.
Una, ang report sa Anti-Money Laundering Council (AMLC) mahitungod sa P6.77 bilyon nga giingong kadudahang bank transactions sa Bise Presidente ug sa iyang bana.
Sumala ni Kapunan nga kini “arithmetic” o klarong numero nga basehan, busa lisod pamatud-an nga sayop, ilabi na kay dako ang kalahi-an tali sa SALN ug sa lihok sa kwarta sa ilang mga account.
Ikaduha, ang giingong death threats sa Bise Presidente batok kang Presidente Ferdinand Marcos Jr., First Lady Liza Araneta-Marcos, ug kanhing Speaker Martin Romualdez.
Matud pa niini, bug-at kini kay gi-authenticate na sa NBI ang video ug dili kini gi-edit o gihimo lang.
Alang kang Kapunan, lisod depensahan ang duha ka isyu diin ang giingong unexplained wealth tungod sa dokumentadong financial trail, ug ang hulga gumikan klaro ug napamatud-an na nga ebidensya gikan mismo sa video.