Gisiguro sa Bukidnon II Electric Cooperative, Incorporated (BUSECO), nga magpabiling hapsay ug walay pagkalangan ang serbisyo sa kuryente alang sa tanang consumers.
Gibutyag ni General Manager Christopher A. Dulfo sa Bukidnon II Electric Cooperative, Incorporated, nga matud pa, atol sa gipahigayon nga panagtigom uban sa Board of Directors ug sa mga hingtundan niadtong niaging Biyernes, gihimug-atan ni Dulfo nga prayoridad sa kooperatiba ang paglikay sa bisan unsang “interruptions” o disturbo sa suplay sa enerhiya.
Gidugang pa niini nga adunay mga aktibidad nga ipursige ang kooperatiba aron matabangan ang mga konsumidor sa gilaumang usbaw sa presyo sa lana nga gigamit sa ilang operasyon.
Sa kasamtangan, nakatala na ang ilang buhatan og gamay nga pagkunhod sa singil sa kuryente diin gikan sa ₱12.19 kaniadto, nahimo na kining ₱12.14 matag kilowatt-hour. Kini nga lima ka sentabos nga diskwento bunga sa wala pa paglakip sa mga dugang bayranan gikan sa ilang mga supplier.
Apan taliwala sa maong pagkunhod gipahimangnoan niini ang katawhan nga ang maong inisyatiba sa kooperatiba temporyo lamang ug laumang mosaka ang bayrunon sa kuryente sa tung-tunga sa bulan sa Abril.
Bisan paman niini, gipaniguro sa kadumalahan sa BUSECO nga padayon silang mangita og pamaagi ug adunay nay namugnang intebensyon aron maminusan ang palas-anon sa katawhan taliwala sa pag-usab-usab nga presyo sa enerhiya sa kamerkaduhan.