Maglusad ang Bangko Sentral ng Pilipinas kon BSP og Monthly Business Expectations Survey kon BES sugod sa unang kwarter sa tuig 2026.
Kini posibleng magsugod sa bulan sa Marso o Abril. Kahinumdoman, nga kaniadto quarterly lamang ginahimo sa BES ang pagkuha sa impormasyon gikan sa mga negosyo sa tibuok nasud kabahin sa produksyon, halin kon kinitaan, ug estado sa ekonomiya sa nasud.
Matud ni BSP Deputy Governor Zeno Ronald Abenoja, ang pagbalhin sa monthly survey nagtinguha sa paghatag og mas tukma ug dali nga impormasyon kabahin sa sentiment sa negosyo ug sa kalihokan sa ekonomiya aron mas mapalig-on ang desisyon sa mga policymakers.
Padayon nga gamiton sa survey ang stratified random sampling gikan sa top 7,000 nga korporasyon sa nasud, samtang ang monthly version sa Consumer Expectations Survey giplano sa tunga-tunga sa 2026.