Balhog sa prisuhan ang usa ka manager sa pribadong kompanya human kini nasikop sa hiniusang checkpoint sa Armed Forces of the Philippines (AFP) ug Philippine National Police (PNP) didto sa Barangay Lacson, Distrito sa Calinan, ning dakbayan, pasado alas 9:00 sa buntag niadtong Lunes, Hunyo 1.
Giila sa mga awtoridad ang suspetsado nga si alyas “Ramil,” 44 anyos, nga lumad ug residente sa Valencia City, ning probinsya sa Bukidnon.
Subay sa opisyal nga report gikan sa Calinan Police Station, gipahigayon ang usa ka naandan nga plain view inspection sa sakyanan sa maong drayber.
Didto na positibong nadiskubrehan ang upat ka pakete sa gidudahang shabu nga maabtikong gisuksok sa sulod sa sapatos, diin gipatong kini sa floor mat dapit sa luyo sa lingkuranan sa pasahero.
Ang maong kontrabando gibana-banaang mukabat sa mukantidad ngadto sa ₱131,920.
Sa kasamtangan, temporaryong gidetini ang dinakpan sa maong buhatan sa kapulisan samtang giandam na ang pormal nga kasong paglapas sa Republic Act 9165 o ang Comprehensive Dangerous Drugs Act of 2002 batok niini.