Balhog karon sa bilanggoan ang usa ka 31 anyos nga lalaki human masikop sa gikasang buy-bust operation sa mga otoridad sa Purok 3 Barangay Anlugan lungsod sa Cabanglasan Bukidnon.
Sa report gikan sa Cabanglasan Municipal Police Station gipahigayon ang maong operasyon niadtong may alas 8:15 sa buntag karong adlawa Hunyo 3.
Gitataw sa kapolisan nga nasakmit gikan sa posisyon sa suspetsado ang 2 ka sachet sa gituohang shabu nga motimbang og 0.20 gramos ug nagkantidad og 1360 lakip na ang gigamit nga buy-bust money ug uban pang personal nga kagamitan.
Sa karon anaa na sa selda sa Cabanglasan Police Station ang dinakpan samtang giduso na ngadto sa Bukidnon Provincial Forensic Unit ang mga ebidensya alang sa eksaminasyon dungan sa pag-andam sa kasong paglapas sa Comprehensive Dangerous Drugs Act batok kaniya.