Drayber sikop sa manhunt operation tungod sa kasong pagpangabuso sa Quezon Bukidnon

Tingkagol sa bilanggoan ang usa ka 46 anyos nga drayber human masikop sa gikasang manhunt operation sa mga otoridad didto sa Purok 6 Barangay Libertad lungsod sa Quezon Bukidnon.

Giila ang dinakpan nga si Roy Hiyangan Obeso kinsa gisilbi-an sa warrant of arrest sa iyang pinuy-anan tungod sa pag-atubang og 4 ka ihap sa kasong pagpangabuso subay sa Anti-Violence Against Women and Their Children Act.

Giklaro sa Quezon Municipal Police Station nga dunay girekomendang piyansa nga 36000 matag kaso ang maong drayber alang sa iyang temporaryong kagawasan samtang gihulat pa ang pagbalhin kaniya ngadto sa hukmanan.