Buhakhak ug kalingawan ang hatod karon sa mga netizens human nag-viral sa social media ang usa ka mubo nga video sa pipila ka mga kabaw nga nakuhaang nag-enjoy ug naglangoy-langoy sa usa ka lim-aw o linaw nga tubig.
Sa maong video, makita ang mga kabaw nga imbes mag-babaol o mag-trabaho ubos sa init sa adlaw, komportable ug pwerte hinuong hayahay niini nga naglutaw-lutaw, diin ang uban igo na lang nipasupot sa ilang mga ilong aron makaginhawa. Matud sa nag-post, mao kadto ang pamaagi sa mga mananap aron daling makapawala sa grabeng Alimuot o kainit sa panahon nga nasinati karon.
Dali kining gi-ulanan og mga kataw-anang komento ug “haha” reactions gikan sa mga netizens. Ang uban nag-ingon nga “sana all” nakaligo ug nakapabugnaw, samtang ang uban nag-joke nga duna na silay nakit-ang bag-ong bersyon sa “synchronized swimming” apan bersyon sa mga kabaw.