Nagbangutan sa kasubo ang OPM alternative rock band nga Sleep Alley human gikumpirma ang pagtaliwan sa ilang bokalista nga si Aly Pagaduan niadtong Hunyo 1.
Gihulagway sa banda si Aly isip sentro sa ilang musika ug inspirasyon lakip na isip usa ka ka suod nga higala nga naghatag og kahayag sa banda pinaagi sa iyang talento, pagkamamugnaon, ug gugma sa musika.
Matud pa nila, dako kaayo ang natampo ni Aly sa paghulma sa pagkatawo sa banda ug sa pagpapaabot niini ngadto sa mga tigpaminaw.Â
Bisan tuod wala gibutyag ang hinungdan sa iyang kamatayon, gisaad sa mga nahabilin nga miyembro nga magpabiling buhi ang handumanan ni Aly pinaagi sa ilang mga awit, samtang nanawagan sila og pag-ampo alang sa pamilya sa mipanaw nga higala.
Nagpasalamat usab ang grupo sa ilang mga fans ug tigpaluyo nga mikuyog kanila sa daghang katuigan sa pagpasundayag ug pagmugna og musika.