Gibutyag sa Malacañang nga ang proseso ug rule of law ang angay nga mosunod sa pagpasaka sa ikatulong impeachment complaint batok kang Vice President Sara Duterte.
Sumala kang Palace Press Officer Undersecretary Claire Castro, nagpabilin ang posisyon sa Presidente nga ang mga naglungtad nga proseso sa Kongreso ang angay respetuhon ug tugutan nga mosunod ang mga mekanismo nga gitakda sa balaod.
Dugang pa ni Castro, nga manubag ang angay manubag.
Ang pahayag niya usa ka tubag sa ikatulong impeachment complaint nga gisumite kagahapong adlawa batok sa Bise Presidente gikan sa usa ka religious group, nga giendorso ni ML Partylist Rep. Leila De Lima.
Sa miaging pahayag, giingon na sa Pangulo Ferdinand Marcos Jr. nga iya nang gitugyan sa Kamara ang proseso sa pagdumala sa impeachment case batok kang VP Sara, ug kompiyansa siya sa kakayahan sa House of Representatives sa paghandle sa maong complaint.